جناب معاليك
بقلم: د. زياد موسى عبد
المعطي
أحد الموظفين دخل مكتب مديره
في العمل فأنشد يقول ما يلي:
تحياتي للباشا المدير
الطيب الأمير
في شغله متمكن وقدير
في حبه قلبي أسير
وعلى نورك أمشي وأسير
تحياتي للباشا المدير
.............................
تحياتي لصاحب المعالي
صحاب المقام العالي
نجم في السما بيلالي
قمر بينور لينا الليلالي
تحياتي لصاحب المعالي
.......................
تحياتي لشمس النهار
حبك في قلوبنا زي النار
وفي حبك نقول أشعار
تحياتي لشمس النهار
.............................
معاليك احنا ليك من الأنصار
ده شيء معروف ومش أسرار
مهما الواحد لف ودار
مش هيشوف زيك من الأخيار
حبك أحلى قرار
يا رمز الأمان والاستقرار
في وجودك بنشوف الدنيا عمار
معاليك احنا ليك من الأنصار
..............................
تحياتي لصاحب السيادة
في شغله صاحب ريادة
أستاذ عظيم فوق العادة
تحياتي لصاحب السيادة
…………………
تحياتي لصاحب الطلعة البهية
راجل عظيم مية مية
رمز العطاء والإنسانية
إدعي لك بعيشة هنية
تحياتي لصاحب الطلعة البهية
..........................
جناب معاليك ... جناب معاليك
احنا دايماً ندعي لمعاليك
ربنا يخليك
ويبارك فيك
كل اهلك وذويك
وكل اللي اتعلموا على إيد
معاليك
بيحبوا ويعشقوا معاليك
بيدعوا ليك
ربنا يخليك ويبارك فيك
ويحفظ لنا جناب معاليك
جناب معاليك .... جناب معاليك
..........................
جناب معاليك ..... جناب
معاليك
تأمرنا جناب معاليك
نقول شبيك لبيك
ننفذ أوامر معاليك
ورهن إشارة من إيديك
جناب معاليك ...... جناب
معاليك
..................................................
سيادتك حبيبنا الأستاذ
لينا ملجأ وملاذ
علي إيدك يتم الإنجاز
الواحد لو احتاج أو عاز
يلجأ لحبيبنا الأستاذ
سيادتك حبيبنا الأستاذ
..........................
معاليك ... ندعي ليك كل يوم
عزك يطول ويدوم
جيبي على طول مخروم
مفيش فيه معلوم
المرتب يخلص في أول كام يوم
من الجوع على طول بنصوم
معاليك .... ندعي ليك كل يوم
..........................
نحلم يبقى معانا شوية جنيهات
نطمع في حوافز علاوات
نطمع من معاليك في ترقيات
نعرف نجيب لأولادنا حاجات
نعاني أوجاع وآهات
مش لاقين ثمن الأدوية والعلاج
والأشعات
نحلم يبقى معانا شوية جنيهات
.......................................
معاليك ... اعطف علينا شوية
ده مراتي غضبانة عليا
مش لاقين نشتري فول وطعمية
راعينا في التقارير السرية
واعطف علينا بعلاوات دورية
وحوافز وساعات إضافية
معاليك .... اعطف علينا شوية
....................
وأقرأ أيضاً